Geschicht vun onsem Veräin

De Schëfflenger Amateur-Filmveräin AMCIS-VIDEO PRODUCTION (Association des cinéastes et vidéastes non-professionnels de Schifflange) gouf 1953 gegrënnt an ass zënter 1954 Member bei der FGDCA (Fédération luxembourgeoise des cinéastes et vidéastes non-professionnels - Luxembourg).

 

1961 huet d’AMCIS mam Natur-Film “Au bord du sentier” vum Club-Member Paul LOUTSCH séng 1. Gold-Medaille um lëtzebuerger National-Concours gewonnen.

 

Dat gouf 1970 duerch den AMCIS-Filmgrupp Chronos-Film mam Film “Fire” widderholl an de Film “Gartenspuk” vum AMCIS-Member Gaston ROLLINGER krut souguer dat selwecht Joer d’Bronze-Medaille.

 

1971 ass de Film “L’horreur des bois” vum Filmgrupp Chronos-Film mat der Sëlwer-Medaille ausgezäichent gin an 1974 krut de Film “Der Sonntag” vum Filmgrupp Chronos-Film nach eng Kéier Sëlwer.

 

1992 woar ët dann den AMCIS-Member Marc ERANG, deen mat séngem Film “Gwendolyn” erëm eng Kéier d’Gold-Medaille als beschte lëtzebuerger Amateur-Film krut.

 

Elo besteet de Comité aus 9 Leit, déi 2 Mol pro Woch (dënschdes an donneschdes ëm 19.00 Auer) am Schneid- a Toun-Studio zesumme kommen, fir u verschiddene Projeten zu schaffen, wéi zum Beispill: D’Zerschneiden, d’Montéieren an d’Vertounen vum Material wat opgehol gin ass (Télévie, Concerten, verschidde kulturell oder Show-Organisatiounen,  Lokalmanifestatiounen a Reportagen).

 

Well d’AMCIS déi leschte Joeren ganz vill an déi neisten Ophuel-Technik investéiert huet, kënnen si elo d’Filmproduktiounen an HD-Qualitéit verschaffen an déi méi al Filmer an den Digital-System ëmänneren an souguer verbesseren.

 

Deen 1. Film, deen elo sou eng Prozedur matgemaach huet an och vertount gouf, ass de 16mm-Film iwwer d’Stad Schëffleng aus de Joeren 1953-1956, gedréint vun den Hären Aloyse CRELOT a Nic. LAUX. Fir dëse Film ofzeschléissen ass nach eng Diashow vum Herr Raymond KOENIG séngen Bläistëftzeechnungen vun aale Gebeier aus Schëffléng derbäi gemaach gin.

 

Dëse Film kann een fir de Präis vu 25.- € (+ d’Verschécken) bei dëse Comités-Memberen bestellen:

 

Num Virnum Telefon e-mail
Président Gilbert Hommel 621 161 424 gilbert.hommel@amcis.lu
Vice-Président   Patricia Hommel   661 769 668  

patricia.hommel@amcis.lu

Secrétaire Roger Hansen 621 697 475

roger.hansen@amcis.lu

Caissier Robert Ries 621 137 388

robert.ries@amcis.lu


Wann der eis fir iergend eng Opzeechnung braucht oder bei eis wëllt matschaffen, da kënnt der ierch op deene selwechten Telefonnummeren mellen.

 

Eise Postscheckkonto ass: CCPLLULL - LU21 1111 2547 0075 0000